Эсептөө палатасы Юстиция министрлигиндеги каржылык мыйзам бузууларды аныктады

Кыргыз Республикасынын Эсептөө палатасы Юстиция министрлигинде 2021-жылга бюджеттин аткарылышына шайкеш аудит жүргүздү.

Текшерүүнүн жыйынтыгы менен 9540,8 миң сомдук каржылык мыйзам бузуулар аныкталды, анын ичинен: 175,5 миң сому өндүрүлүүгө жатат, калыбына келтирилген сумма 77,2 миң сомду түздү.

Анын ичинен: 9394,8 миң сом өлчөмүндө эмгек акыга негизсиз кошумча төлөөлөр белгиленген, материалдык баалуулуктарды негизсиз эсептен чыгаруу 36,8 миң сомду, иш сапарга кеткен чыгымдарды негизсиз алуу – 2,7 миң сомду, бюджеттик каражаттарды максатсыз пайдалануу – 29, 3 миң сомду түзгөн. Ошондой эле 73,4 миң сом суммасында жашырылган дебитордук карыздын бети ачылган. Бюджетке кошумча чегерилген киреше 3,8 миң сом болду.

Резервдер жана бюджеттик жоготуулар 94,6 миң сомду түздү.

Рационалдуу эмес пайдаланылган каражаттар 229,6 миң сомду түзгөн.