Кыргыз Республикасынын Эсептөө палатасынын төрагасынын Эгемендүүлүк күнүнө карата куттуктоосу!
Урматтуу мекендештер! Сиздерди Кыргыз Республикасынын Эгемендүүлүк күнү менен чын жүрөктөн куттуктайм. Эгемендүүлүк күнү - биздин өлкө үчүн абдан мааниси зор тарыхый майрам.
1991-жылдын 31-августунда Кыргыз ССРнин Жогорку Советинин кезексиз жыйынында "Кыргыз Республикасынын мамлекеттик көз карандысыздыгы тууралуу декларация" кабыл алынган. Бул тарыхый документке ылайык биздин өлкө көз карандысыз, суверендүү, демократиялык өлкө деп жарыяланган.
Кыргызстан – көп улуттардан турган, баары ынтымакта, бейкуттукта жашаган өлкө. Ушул эгемендүүлүктү көз карегибиздей сактап, өлкөбүздүн өсүп-өнүгүшүнө жана гүлдөшүнө салымыбызды кошолу. Эгемендүүлүк үчүн ата-бабаларыбыздын эмгегин эстеп, мамлекет ар бир кыргыз жараны үчүн ыйык, бабалардан калган мурас экенин эстен чыгарбайлы. Мекенибиз өнүккөн өлкө катары дүйнө жүзүнө тааныла берсин.
Дагы бир жолу майрамыңыздар менен!