Тогуз-Торо районунун жергиликтүү бюджеттеринде каржы бузуулардын эң көбү - бюджеттик каражаттарды максатсыз пайдалануу
2019-2020-жылдар аралыгында Тогуз-Торо районунун социалдык-экономикалык өнүгүүсүнүн натыйжалуулугуна, жергиликтүү өзүн-өзү башкаруу органдарынын бюджетинин түзүлүшүнө жана аткарылышына жүргүзүлгөн аудиттин жыйынтыгы боюнча, жалпы суммасы 664,4 миң сомдук каржы бузуулары аныкталды.
Аудиттин жүрүшүндө, төмөнкүдөй каржы бузуулары аныкталган:
- бюджеттик каражаттарды максатсыз пайдалануу - 270,8 миң сом;
- социалдык төлөмдөргө кошумча чегерүү – 185,4 миң сом;
- курулуш иштеринин көлөмүн жогорулатуу - 113,9 миң сом;
- киреше салыгына кошумча чегерүү – 56,2 миң сом;
- сапар чыгымына ашыкча төлөө – 26,5 миң сом;
- эмгек акыга кошумча төлөмдөрдү негизсиз чегерүү – 11,6 миң сом.
Аныкталган каржы бузуулардын ичинен 664,4 миң сом кайтарылууга тийиш, аудиттин жүрүшүндө 240,6 миң сом кайтарылды.
