Кыргыз Республикасынын Эсептөө палатасынын Ош шаары, Ош, Жалал-Абад жана Баткен областтары боюнча аймактык бөлүнүшү, Баткен районунун социалдык-экономикалык өнүгүүсүн талдоо жана 2021-2022-жылдарга карата жергиликтүү өз алдынча башкаруу органдарынын бюджетинин түзүлүшүнө жана анын аткарылышына шайкештик аудит жүргүзгөн.

Аудитке райондук мамлекеттик администрациясы, Кыргыз Республикасынын финансы министрлигинин Баткен башкармалыгы, Баткен районунун айыл аймактары, шаар мэриясы, Баткен районундагы өз алдынча башкаруу органдарынын муниципалдык ишканалары камтылды.        

Аудиттин жыйынтыгы менен жалпысынан – 8313,2 миң сомдук каржылык чектен чыгуулар аныкталды, анын ичинен:  каражаттарды сарптоодогу чектен чыгуулар жана кемчилдиктердин жалпы суммасы – 7934,1 миң сом болсо, андан:   

• эмгек акыларды негизсиз төлөөлөр – 594,4 миң сом;
• акча каражатын жана материалдык баалуулуктарды негизсиз эсептен чыгаруу – 178,1 миң сом;
• кызматтык сапар чыгымдарына ашыкча төлөөлөр – 33,2 миң сом;
• казыналык системасына кириштелбей түз иштетилген каражаттар – 79,0 миң сом;
• курулуш иштеринин көлөмүн жана баасын негизсиз жогорулатуулар (кошуп жазуулар) – 3090,2 миң сом;
• бюджеттик каражаттарды максатсыз пайдалануулар – 10,8 миң сом;
• дебитордук карыздарды жашыруулар жана кредитордук карыздарды негизсиз көбөйтүүлөр – 3981,6 миң сом;
• бюджетке кошумча эсептөөлөр – 155,3 миң сом;
• Кыргыз Республикасынын Социалдык фондуна камсыздандыруу төлөмдөрүнө кошумча эсептөөлөр – 223,8 миң сом.

Жалпы аныкталган каржы бузуулардан – 7832,2 миң сому ордуна коюлууга тийиш болсо, андан аудиттин жүрүшүндө – 1135,3 миң сом ордуна коюлган. Ал эми ордуна коюлбаган сумма – 6698,9 миң сомду түзөт.

Андан сырткары 165,0 миң сомдук бюджеттик жоготуулар жана резервдер аныкталган, анын ичинен:

• товардык-материалдык баалуулуктарды нормадан ашыкча сарптоолор – 43,5 миң сом (жайыт жерлеринин кирешесин жоготуу);
• эмгек акыларды төлөөдөгү чектен чыгуулар – 121,5 миң сом.

Бюджеттик каражаттарды рационалдуу эмес пайдалануулар – 1222,8 миң сом, андан:

• материалдык баалуулуктардын ченемден ашыкча запастары – 722,8 миң сом;
• пландалган максатына жетпей чыгымдалган каражаттар  – 450,0 миң сом.

Бюджеттик каржаттарды рационалдуу эмес пайдалануулар толук калыбына келтирилүүгө тийиш болгон болсо, аудит убагында ордуна коюлган жок.

Бухгалтердик эсепти жүргүзүүдөгү жол берилген катачылыктардын эсебинен 967,0 миң сомдук баланска алынбай калган негизги каражаттар, материалдык баалуулуктар аныкталып, аудиттин жүрүшүндө тийиштүү жергиликтүү бюджеттердин балансына кириштелип, калыбына келтирилди. Аудитттин жыйынтыгы менен Баткен шаар мэриясында аныкталган 2098,2 миң сом кошуп жазуулар, Кара-Булак айыл өкмөтүндөгү 450,0 мин сомдук бюджеттик жоготуулар жана 100,0 миң сомдук дебитордук карыздар, Самаркандек айыл өкмөтундөгү 362,2 миң сомдук курулуш иштерине кошуп жазуулар боюнча материалдар, укуктук баа берүү үчүн укук коргоо органдарына жиберилди.

Бүгүн, 2023-жылдын 27-июлунда Кыргыз Республикасынын Эсептөө палатасынын Кеңешинин кезектеги жыйынында 2021-жылга Бишкек шаарынын жергиликтүү бюджетинин түзүлүшүнө жана аткарылышына жүргүзүлгөн шайкештик аудиттин жыйынтыктары боюнча отчету каралды.

Аудиттин жүрүшүндө бардыгы болуп 1 млрд. 778 млн. 355,6 миң сомдук каржы бузуулар аныкталган. Анын ичинен:

-1 282,3 миӊ сом суммасына товардык-материалдык баалуулуктардын жетишпестиктери аныкталган.

-1 760 667,2 миӊ сом суммасына каражаттарды чыгымдоодо бузуулар жана кемчиликтер аныкталган. Анын ичинде:

- эмгек акыны негизсиз төлөөлөр – 917297,9 миӊ сом;

- товардык-материалдык баалуулуктарды жана акча каражаттарын негизсиз эсептен чыгаруулар – 8880,8 миӊ сом;

- иш сапар чыгымдары беренеси боюнча ашыкча төлөмдөр – 635,2 миӊ сом;

- курулуш-куроо иштеринин көлөмдөрүн негизсиз ашыкча жогорулатуулар – 12 891,3 миӊ сом.

- мамлекеттик каражаттардын максатсыз пайдалануулар – 441,3 миӊ сом;

- “Бишкекжылуулукэнерго” коммуналдык ишканасында максатсыз пайдаланылган каражаттар – 3264,9 миң сом;

- жашырылган дебитордук карыздар жана ашырылган кредитордук карыздар – 12 232,4 миӊ сом;

- бюджеттин башка бөлүгүнө республикалык бюджеттен 805 000,0 миң сом негизсиз бөлүнгөн.

- бюджетке кошумча чегерилген кирешелер – 15 989,2  миӊ сомду түзгөн

- социалдык фонддун кошумча чегерилген кирешелери – 440,3 миӊ сом.

Бюджеттин резервдери жана жоготуулары – 5 034 251,1 миӊ сом. Анын ичинде:

- товардык-материалдык баалуулуктардын ченемден ашык чыгымдары – 2 456,2 миӊ сом;

- бюджеттик уюмдарды ашыкча каржылоолор – 128 224,1 миӊ сом;

- эмгек акы төлөөдө бузуулар – 281 613,6 миӊ сом;

- бюджеттин башка резервдери жана жоготуулары – 4 621 957,2 миӊ сом;

Рационалдуу эмес пайдаланылган каражаттар – 1 171 181,1 миӊ сом, анын ичинде:

- пландалган максатына жетпестен, белгилүү бир иш-чараларга чыгымдалган каражаттар – 188 102,6 миң сом;

- товардык-материалдык баалуулуктардын ченемден ашык корлору жана эсептердеги каражаттардын калдыктары – 983 000,0 миӊ сом.

- Мамлекеттик сатып алууларды ишке ашыруудагы бузуулар 78,5 миң. сомду түздү.

Коомдук жана башка уюмдарда аныкталган финансылык бузуулар - 42 454,8 миң сом.

Текшерүүнүн жүрүшүндө айрым каржылык мыйзам бузууларды камтыган материалдар, юридикалык баа берүү үчүн, Кыргыз Республикасынын Башкы прокуратурасына жөнөтүлдү.

Отурумдун жыйынтыгында, тиешелүү токтом кабыл алынып, текшерилип жаткан объектилерге мындан аркы ишмердүүлүгүндө, аныкталган каржылык мыйзам бузууларды жана кемчиликтерди жоюу үчүн Эсептөө палатасынын сунуштары жана сунуштамалары жөнөтүлдү.

Бүгүн, 2023-жылдын 24-июлунда Кыргыз Республикасынын Эсептөө палатасынын Бишкек шаары, Чүй жана Талас облустары боюнча аймактык бөлүнүшүнүн Коллегиясында 2022-жыл аралыгына карата  Чүй облусунун Панфилов районунун жергиликтүү бюджеттеринин түзүлүшүнө жана аткарылышына, муниципалдык ишканаларынын ишине жана республикалык бюджеттеги айрым мекемелердин бюджетинин аткарылышына жүргүзүлгөн шайкештик аудиттин материалдары каралды.

Панфилов районунун жергиликтүү бюджетине жүргүзүлгөн аудиттин жыйынтыгында 7 млн 905,2 миң сом финансылык бузуулар аныкталган, анын ичинде: 

• жетпей калуулар жана уурдоолор – 222,8 миң сом;
• каражаттарды чыгымдоодогу бузуулар жана кемчиликтер – 7 272,7 миң сом, анын ичинде:

•    эмгек акыны негизсиз төлөөлөр -1 728,1 миң сом;

•    курулуш-куроо иштеринин көлөмдөрүнүн жогорулатылышы – 5 376,8 миң сом;

•   эсеп боюнча жашырылган дебитордук жана жогорулатылган кредитордук карыз – 167,8 миң сом;

• бюджеттин кошумча чегерилген кирешелери – 407,7 миң сом, алардын ичинен;

•   бюджетке которулууга тийиш болгон ижара акысы – 405,7 миң сом;

• Соц.фонддун кошумча чегерилген кирешелери – 2,0 миң сом.
• Аныкталган бюджеттин резервдери жана жоготуулары -14 420,3 миң сом, анын ичинде:

• товардык-материалдык баалуулуктардын ченемден ашык чыгымдары -102,1 миң сом;

• эмгек акы төлөөдөгү бузуулар – 4 599,2 миң сом;

• Кыргыз Республикасынын Өкмөтүнүн, жергиликтүү өз алдынча башкаруу органдары жана башка органдар тарабынан бюджетти түзүүдө, анын киреше бөлүгүнүн көрсөткүчтөрүн азайтуу жана чыгаша бөлүгүнүн көрсөткүчтөрүн жогорулатуу менен, колдонуудагы мыйзамдарга карама-каршы келген чечимдерди кабыл алынгандыгына байланыштуу, салык, бажы жана башка төлөмдөр боюнча жана бюджеттин чыгаша бөлүгү боюнча бюджеттин жоготуулары – 4 435,6 миң сом;

• башка резервдер жана жоготуулар – 5 283,4 миң сом.

• Аныкталган рационалдуу эмес пайдаланылган каражаттар – 4 083,4 миң сом, анын ичинде:

• ТМБ нормативден ашыкча запастары жана эсептеги каражаттар – 4 083,4 миң сом.

Панфилов районунун бардык аудит жүргүзүлгөн мекемелерине, уюмдарына жана ишканаларына аныкталган финансылык бузууларды жана кемчиликтерди жоюу үчүн жазма буйруктар жөнөтүлдү. Ал эми Панфилов райондук мамлекеттик администрациясынын мурдагы башкы бухгалтери У.Саманчиевге карата, акча каражаттарын ыйгарып алуу боюнча, ошондой эле, "Узундугу 4200 метр ЛР 60; ЛР 40, темир/бетон таянычтары менен жаңы сугат лотокторун орнотуу" объектиси боюнча подрядчы "НЭК Лтд” ЖЧК тарабынан 5 049,3 миң сомго жумуштардын наркынын аныкталган жогорулатылышы боюнча материалдарды укуктук баа берүү үчүн, Чүй облустук прокуратурасына өткөрүп берүү чечими кабыл алынды.

Отурумдун чечимине ылайык, тиешелүү айылдык кеңештерге карап чыгуу үчүн аудиттин жыйынтыктары жөнүндө маалыматтар жиберилди, андан тышкары Панфилов районунун жергиликтүү өз алдынча башкаруу органдарына жана муниципалдык ишканаларына, жүргүзүлгөн аудиттин жыйынтыктары боюнча жиберилген аймактык бөлүнүштүн жазма буйруктарынын аткарылышын өзгөчө көзөмөлгө алуу жана милдеттүү түрдө аткарууну камсыз кылуу сунушталды.

2023-жылдын 14-июлунда Жогорку Кеңештин  Бюджет, экономикалык жана фискалдык саясат боюнча комитетинин төрагасы Данияр Төлөнов, Эл аралык иштер, коргоо, коопсуздук жана миграция боюнча комитетинин төрагасы Улан Примов Польша Республикасынын Жогорку көзөмөл палатасынын президенти Мариан Банас баштаган делегация менен жолугушту. Жолугушууга Кыргыз Республикасынын Эсептөө палатасынын төрагасы Алмазбек Акматов да катышты. 

Бюджет, экономикалык жана фискалдык саясат боюнча комитетинин төрагасы Данияр Төлөнов Польша Республикасынын Жогорку көзөмөл палатасы көп жылдык тарыхка ээ экенин айтып, байыркы мамлекеттик мекемелердин бири экендигин белгиледи. «Кыргыз Республикасынын Эсептөө палатасы менен Польша Республикасынын Жогорку көзөмөл палатасынын ортосундагы кызматташуу аудит жүргүзүүнүн методологиясын өркүндөтөт», - деп баса белгилеген Данияр Төлөнов мамлекеттик аудит бюджеттик каражаттарды эффективдүү башкарууну камсыздай турганын кошумчалады. 

Жогорку Кеңештин Эл аралык иштер, коргоо, коопсуздук жана миграция боюнча комитетинин төрагасы Улан Примов Жогорку Кеңеш жыл сайын Эсептөө палатасынын отчетун угуп, аудиторлорду бекитээрин эске салды.  Муну менен катар Кыргыз Республикасынын Эсептөө палатасы менен Польша Республикасынын Жогорку көзөмөл палатасынын ортосундагы кызматташуу мамлекеттик аудит тармагындагы тажрыйба алмашууга өбөлгө түзөрүн билдирди. 

Польша Республикасынын Жогорку көзөмөл палатасынын президенти Мариан Банас өз кезегинде бюджеттик каражаттардын чыгымдалышына көзөмөлдөөнү ишке ашыруунун маанилүүлүгүн белгилеп, анткени бул бюджетти башкаруунун натыйжалуулугун жогорулатат - деди. Ал мындан ары да кызматташууга даяр экенин билдирди. 

Белгилей кетсек, тараптар мамлекеттик аудит, бюджеттик каражаттарды эффективдүү башкаруу жаатындагы маселелерди талкуулашты.

2023-жылдын 14-июлунда Бишкекте Кыргыз Республикасынын Эсептөө палатасынын Төрагасы Алмазбек Акматов менен Польша Республикасынын Аудитинин жогорку органынын (АЖО) президенти Мариан Банас башында турган делегациясынын жолугушуусу болуп өттү. Делегациянын курамына АЖОнун президентинин кеңешчилери Войцех Кутыла жана Гжегож Хабер, ошондой эле IDI (Өнүгүү демилгеси) INTOSAI (Жогорку аудит институттарынын эл аралык уюмунун) улук менеджери Йоштейн Телнес кирген.

Польша Республикасынын АЖОсу жана IDI INTOSAI делегациясынын иш сапарынын максаты - Кыргыз Республикасынын Эсептөө палатасынын институционалдык өнүгүүсүн жакшыртууга багытталган биргелешкен долбоордун үстүндө иштөө болуп саналат.

Кыргыз Республикасынын Эсептөө палатасы менен Польша Республикасынын АЖОнун ортосунда кызматташуу келишимине, ошондой эле Жогорку аудит органдарынын жоопкерчилигинин глобалдык демилгесинин алкагында (GSAI) Кыргыз Республикасынын Эсептөө палатасы, Польша Республикасынын АЖОсу жана INTOSAI Өнүгүү демилгеси ортосунда, үч тараптуу кызматташуу келишимине кол коюлду. Бул макулдашуулар тышкы мамлекеттик аудитти жүргүзүүнүн методологиясы жана жол-жоболору жаатында тажрыйба алмашуу, кесиптик чеберчиликти жогорулатуу жаатындагы өз ара аракеттенүү, консультацияларды уюштуруу жана өткөрүү, биргелешкен илимий-изилдөө, аудитордук иш-чараларды өткөрүү боюнча маселелерди камтыйт.

Жолугушуунун жүрүшүндө аудиттин эл аралык стандарттарына ылайык методологиялык базаны жакшыртууга, кызматкерлерди окутууга жана санариптештирүүнү колдонуу менен аудит процесстерин колдоого тиешелүү жогоруда аталган келишимдерди ишке ашыруу маселелери талкууланды.

Кыргыз Республикасынын Эсептөө палатасынын төрагасы Алмазбек Акматов Польша Республкасынын аудиттин жогорку органынын делегациясына жана IDI INTOSAI өкүлүнө көрсөткөн колдоосу үчүн ыраазычылык билдирип, биргелешкен долбоорду ишке ашырууда ийгиликтүү кызматташууга ишенимин билдирди.

Кыргыз Республикасынын Эсептөө палатасы 2021-жылга карата Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинде аудит жүргүзгөн.

Аудиттин жыйынтыгы боюнча жалпы 656,1 млн сом суммасындагы каржы бузуулары жана ченемдик актыларга туура келбестиктер аныкталган, анын ичинен:

- аткарылган курулуш-куроо иштеринин көлөмүн жана өздүк наркынын көрсөткүчтөрүн ашыкча баалоо, ошондой эле подряддык иштердин көлөмүн төлөөгө негизсиз кабыл алуу - 60,1 млн сом, анын ичинен: республикалык бюджеттин “Капиталдык салымдар” беренесинен каржыланган объекттер боюнча  – 38,2 млн  сом жана Сауд өнүктүрүү фондунун “Мамлекеттик мектептерди куруу” долбоорунан каржыланган объектилер боюнча - 21,9 млн сом.

- Кыргыз Республикасынын Өкмөтүнүн 11.06.2012-жылдагы № 387 “Жалпы билим берүү мектептеринин негизги техникалык көрсөткүчтөрүн бекитүү жөнүндө” токтому менен, Кыргыз Республикасынын аймагында коммуникацияларды жана жабдууларды эске албаганда, мектептин сыйымдуулугуна карата 1 чарчы метр курулуш иштеринин максималдуу наркы (долбоордук-сметалык документтер боюнча) бекитилген. Бирок, 2015-2020-жылдары түзүлгөн мектептердин негизги бөлүгүнүн долбоордук наркы Кыргыз Республикасынын Өкмөтүнүн 11.06.2012-жылдагы № 387 токтому менен бекитилген курулуштун максималдуу наркынан болжолу менен алганда 201,5 млн сом суммасында жогору сумманы түзгөн.

Талдоого ылайык, 2021-жылы от жагуу жайы жана спорт зал каралган, курулуп бүткөн мектептердин факты жүзүндөгү наркы 1 чарчы метрине 23,0 миң сомдон 71,0 миң сомго чейинки сумманы түзгөн. Мында, 4 мектеп боюнча курулуш-куроо иштеринин факт жүзүндөгү наркы Кыргыз Республикасынын Өкмөтүнүн 11.06.2012-жылдагы № 387 токтому менен бекитилген курулуштун максималдуу наркынан 34,7 млн  сомго жогору сумманы түзгөн.

- 01.01.2021-жылга карата мурдагы жылдан өткөрүлгөн объекттер тизмегинде куруу иштери 0% даярдыктагы 6 987,1 млн сом суммасында 127 капиталдык курулуш объекттери турат (өткөрүлүүчү объекттерде капиталдык курулушту аяктоого жалпы талап кылынган суммадан 49,7%ды түзөт), алардын социалдык-экономикалык натыйжалуулугуна баалоо иштерин жүргүзүү керек. Анткени, 0% курулуш иштери даярдыктагы 127 объекттин ичинен 85 мектеп имаратынын курулушу 5 021,5 млн  сом суммасын түзөт, алардын ичинен 2 111,5 млн  сом суммасындагы 44 мектеп Кыргыз Республикасынын жалпы билим берүү уюмдарынын авариялык абалдагы имараттарын инвентаризациялоо боюнча ведомстволор аралык комиссия тарабынан сунушталган авариялык абалдагы жана дароо курулууга тийиш болгон мектептердин тизмегине кирген эмес.

Ошол эле учурда, авариялык абалдагы мектептерде 3 сменада окутуу жүрүп жатканда, 2020-2022-жылдары курулуп бүткөн 5 мектепте 1-сменада дагы толуктугу камсыздалган эмес же долбоордун кубаттуулугунун 45% - 70% чейинкини түзөт.

Айрым авариялык абалдагы мектептер жараксыз болуп (1927-1940-жылдары курулган мектептер да бар), окуу процесси мектеп имараттарынан сырткары объекттерде (бала бакчалар, клубдар, ФАПтар, турак үйлөр ж.б. имараттар) жүрүп жаткандыгына карабастан, 245 авариялык абалдагы мектептердин ичинен 59 мектепте каржылоо булактары аныктала элек, 44 мектеп 0% даярдыгы менен долбоордук деңгээлде турат, курулуп бүтө элек мектептердин катарында турган 58 мектеп 2021-жылга республикалык бюджеттен же башка булактардан каржылануучу объекттер тизмегине кирген эмес (Дүйнөлүк банктын долбоорлору, Сауд өнүктүрүү фонду ж.б.);

- Кыргыз Республикасынын Министрлер Кабинетине караштуу ММБ жана Турак жай-коммуналдык чарба тарабынан каралган долбоорлор боюнча МИ фонддорунун начар өнүккөндүгүнө байланыштуу, 2.02-пунктуна ылайык Европа реконструкциялоо жана өнүктүрүү банкы менен түзүлгөн кредиттик макулдашуулардын алкагында, республикалык бюджеттен Европа реконструкциялоо жана өнүктүрүү банкына 22 долбоор боюнча кредиттик каражаттарды резервге коюу үчүн жалпы  суммасы 129 248,4 миң сомдук комиссия төлөнгөн;

-“Кара-Балта шаарында суу менен камсыздоо жана канализация системасын калыбына келтирүү” долбоору боюнча долбоорду жүзөгө ашыруу мезгил аралыгында каражаттар өздөштүрүлгөн эмес. Мында, мамлекеттик карызды тейлөө боюнча чыгашалар 89,7 миң еврону же болжол  менен алганда 8 595,6 миң сомду түзгөн, алардын ичинен: 20,0 миң сом евро, же болжол  менен алганда 1 915,7 миң сом суммасында бир жолку комиссиялык төлөм алынган;

- Кыргыз Республикасынын Өкмөтүнүн 27.04.2015-жылдагы №258 токтому менен бекитилген “Оор жумуштар жана зыяндуу, же эмгек шарттары кооптуу жумуштар үчүн кошумча төлөмдү белгилөөнүн тартиби жөнүндө” жобонун 2, 3, 4-пункттарынын талабын бузуу менен, жамааттык келишимде же өзүнчө документте бекитилген, оор жумуштар, зыяндуу, кооптуу жана башка өзгөчө эмгек шарттарындагы жумуштар, өзгөчө климаттык шарттардагы жумуштар тизмеде жок болсо да (2018-жылдан тартып жүргүзүлгөн эмес) зыяндуу эмгек шарттары үчүн, 1 642,3 миң сом суммасында кошумча төлөмдөр Мамкурулуштун Борбордук аппараты тарабынан жүргүзүлгөн;

-“Бишкекбашкыархитектура” мамлекеттик мекемеси боюнча зыяндуу эмгек шарттары үчүн кошумча төлөмдөрдү төлөө шарттарын сактабастан, 5841,6 миң сом жана ченемдик акты көрсөтүлбөгөн сый акыга 7617,7 миң сом өлчөмүндө негизсиз төлөмдөр жүргүзүлгөн;

– Мамкурулуш тарабынан кабыл алынган жалпы суммасы 25752,5 миң сомдук илимий-техникалык продукциялар жана 3783,2 миң сомдук аягына чыгарылбаган иштер, активдер катары эсепке алынбастан чыгышталган;

- Мамлекеттик долбоорлоо институтунун Ош шаары боюнча филиалынын балансында жана отчеттук маалыматтарында 20 486,0 миң сомдук дебитордук карыздар көрсөтүлгөн эмес.

2023-жылдын 6-июлунда Кыргыз Республикасынын Эсептөө палатасынын Кеңешинин кезектеги жыйынында “Кыргызжылуулукэнерго” мамлекеттик ишканасына жана анын филиалдарына жүргүзүлгөн аудиттин отчету каралды.

Кыргыз Республикасынын Эсептөө палатасы 2021-2022-жылдар мезгил аралыгына карата “Кыргызжылуулукэнерго” мамлекеттик ишканасынын жана анын филиалдарынын ишине шайкештик аудитин жүргүзгөн.

Жүргүзүлгөн аудиттин жыйынтыгында баардыгы болуп, 29 млн 069,5 миң сом суммасындагы каржы бузуулары аныкталган, анын ичинен:

1.  “Майлуу-Суу жылуулук менен жабдуу ишканасы” филиалы боюнча товардык -материалдык баалуулуктардын калдыгына жүргүзүлгөн тандалма аудитте бухгалтердик эсепте турган 12 товардык-материалдык баалуулуктардыи ичинен 340,9 миң сом кем чыгуулар аныкталган (ордуна коюлду).
2.   “Ош райондор аралык жылуулук менен камсыздоо өндүрүштүк бирикмеси” филиалы боюнча республикалык бюджетке которулууга тиешелүү ижара акысы 155,0 миң сомду түзгөн.
3. “Балыкчыдагы жылуулук менен жабдуу ишканасы” филиалында  техникалык-экономикалык негиздеме жүргүзүлбөй туруп, “Балыкчыдагы жылуулук жабдуу ишканасы” филиалы менен “Айкуп строй” ЖЧКсынын ортосунда 2022-жылдын 24-октябрындагы №64 “100м3 резервуарды 50м3 резервуар менен алмаштыруу жөнүндө” 1 130,4 миң сомго жумуштарды аткаруу боюнча келишим түзүлгөн жана иштер аткарылган. Откана көмүр менен иштегендиги аныкталып,  мазутка которуу боюнча болжолдонгон пландар кийин ишке ашкан эмес. Жыйынтыгында, резервуарды алмаштыруу зарылчылыгы жок болуп, учурда резервуар иштебегендиктин натыйжасында   1 130,4 миң сом суммасындагы каражаттар натыйжасыз чыгымдалган.
4. “Майлуу-Суу жылуулук менен жабдуу  ишканасынын” филиалы тарабынан берилген маалыматтар боюнча “Ак-Жол-2000” Ф/Ч тарабынан келишимде белгиленген калориясы 5120 кКал/кг “Д” маркасындагы көмүрдүн ордуна, калориясы 3520 кКал/кг жана 3320 кКал/кг көмүр алынып келинген. Бул жагдай “Майлуу-Суудагы жылуулук жабдуу ишканасынын” филиалы тарабынан лабараториянын текшерүүсү менен аныктаган. Анын натыйжасында “Майлуу-Суудагы жылуулук жабдуу ишканасынын” филиалына 1 853,3 миң сом (1128,6 т) зыян келтирилген. 
5. “Чүй "кристалл” ишканасынын” филиалында баштапкы эсепке алуу документтери толук толтурулбай 203,1 миң сомго күйүүчү-майлоочу майлар эсептен чыгарылган.
6. Эмгек акыны, иш сапардык чыгымдарды төлөөгө байланышкан бузуулар – 11 024,1 миң сомду түздү, анын ичинен: Кыргыз Республикасынын Өкмөтүнүн 2015-жылдын 27-апрелиндеги №258 токтому менен бекитилген “Оор жумуштарга жана эмгек шарттары зыяндуу же кооптуу жумуштарга кошумча төлөмдөрдү белгилөөнүн тартиби жөнүндө” Жобонун 3, 4, 5, 6-пункттарын бузуу менен, оор жумуштарга жана эмгек шарты зыяндуу же кооптуу жумуштарга кызматтык маянанын 25% өлчөмүндө кошумча төлөмдөр филиалдар тарабынан жүргүзүлгөн.
7. Бухгалтердик эсепте негизги каражаттарды таануу жана амортизациялоо боюнча мыйзамдардын талаптарын аткарбоо – 10 840,7 миң сомду түзгөн, бул “Кыргызжылуулукэнерго” мамлекеттик ишканасы жер тилкелерин болжол менен 10840,7 миӊ сомго баланс эсебине коюлууга тийиш.
8.  Эсеп саясатынын талаптарын бузуу жолу менен тийешелүү эсептен чыгарууга чечими жок туруп, баштапкы баасы 299,8 миӊ сомго негизги каражат баланстан чыгарылган.
9. Дебитордук жана кредитордук карызды эсепке алуудагы бузуулар – 253,0 миң сомду түзгөн.
10. Мыйзам талаптарына ылайык конкурстар өткөрүлбөстөн 2 945,4 миң сом сатып алуулар (товарларды, жумуштарды жана кызмат көрсөтүүлөрдү) жүргүзүлгөн.

Урматтуу мекендештер! Кадырлуу мусулмандар!

Бүткүл дүйнө жүзүндөгү мусулмандар чоң кубаныч менен белгилеген жана биздин эл үчүн ырайымдуулуктун, сабырдуулуктун жана боорукерликтин белгиси болгон Курман айт майрамы менен Эсептөө палатасынын эмгек жамаатынын жана жеке өзүмдүн атыман куттуктайм!

Курман айт – кайрымдуулукту, кечиримдүүлүктү, боорукерликти чагылдырган мусулмандардын негизги майрамдарынан болуп эсептелет. Бул күндү мекендештерибиз дасторкон жайып, ак тилек, ачык маанай менен тосуп алышат.

Курман айт күнү бардык тилектерибизди Жаратканыбыз кабыл кылсын. Жакшы ой-максаттарыбыз ишке ашсын.

Жараткан мамлекетибизди бөөдө кырсыктан сактасын. Жерибизге тынчтык жана бейпилдик, элибизге ынтымак жана биримдик берсин!

Айтыңар маарек болсун, урматтуу кыргызстандыктар!

Сиздерди урматтоо менен, Эсептөө палатасынын төрагасы Алмазбек Акматов.

КР Эсептөө палатасынын кызматкерлери үчүн, 2023-жылдын 12-июнунан 16-июнуна чейин Бишкек шаарында, 23-июнунда Балыкчы шаарында ЮНИСЕФтин колдоосу менен  “Программалык бюджеттөө”  тренинги уюштурулган. Тренингдин жүрүшүндө программалык бюджеттөөнүн ар кандай аспекттери каралды.

Тренингде бет ачар болуп, төмөндөгүдөй темалар түшүндүрүлгөн: программалык бюджеттөө түшүнүгү, анын артыкчылыктары, мыйзамдуу база, бюджеттик программаны түзүүнү  уюштуруу аспекттери жана негизги этаптары. Катышуучулар  бюджеттик программаны түзүү, кароо жана аткаруу  мөөнөттөрү, аны түзүүгө карата негизги талаптар жана ресурстук негиз маселелерин да талкуулашты.

 Ошондой эле, “Бюджеттик программанын паспорту. Бюджеттик программанын жана чаралардын  натыйжалуулугунун индикаторлору” темасы улантылды. Тренингдин катышуучулары бюджеттик программаны, иш-чаралар планын аткаруу, натыйжалуулук индикаторлоруна жетүү жөнүндө отчеттуулукка жана ишке ашырууга мониторинг жүргүзүү менен байланышкан маанилүү аспекттерди талкуулашты. Отчеттуулук жана натыйжалуулукту ички баалоо формалары каралды.

Тренингдин иши топ болуп иштөө менен аяктады. Анын жүрүшүндө программалык бюджеттерди  жана натыйжалуулук индикаторлоруна жетүү жөнүндө отчетторду кароодо көңүл бура турган маселелер талкууланды.  

Бүгүн, 23-июнда, Эсептөө палатасында бузуулардын жаңы классификаторун өнүктүрүү маселеси боюнча окутуу, талкуу болду. Иш-чарага Эсептөө палатасынын Борбордук аппаратынын жана аймактык бөлүнүштөрүнүн кызматкерлери катышты. Эсептөө палатасынын жазма буйруктарынын жана сунуштамаларынын аткарылышынын жана мониторингин автоматташтырууну өркүндөтүүнүн концептуалдык багыттары каралды. 

Урматтуу мамлекеттик жана муниципалдык кызматкерлер!
Сиздерди кесиптик майрамыңыздар менен чын дилимден куттуктайм! Бул өзгөчө күнү ишиңиздерде көрсөткөн жогорку кесипкөйлүктү баса белгилейбиз.
Сиздер, өлкөбүздүн жана анын жарандарынын бакубатчылыгы үчүн иштеп жаткан коомубуздун ажырагыс бөлүгүсүңөр. Сиздердин ишмердүүлүгүңүздөр  мамлекеттин туруктуулугун камсыз кылууда маанилүү роль ойнойт.
Сиздер күн сайын туш болгон ар кандай милдеттерди жана кыйынчылыктарды натыйжалуу чечүү үчүн зарыл болгон билимдин, жөндөмдөрдүн жогорку деңгээлин көрсөтөсүздөр.
Кызматка берилгендигиңиздер, талыкпаган эмгегиңиздер жана мыкты ийгиликтерге дайыма умтулганыңыздар үчүн, ыраазычылык билдиргим келет. 
Сиздердин эмгекчилдигиңиздер жана кесипкөйлүгүңүздөр өлкөбүздүн өнүгүшүнө жана гүлдөшүнө чоң салым кошууда.
Бул кесиптик майрам, сиздер үчүн кубаныч, сыймыктануу жана жаңы мүмкүнчүлүктөргө бай, өзгөчө жана эстен кеткис көз ирмем болуп калсын. Сиздерге жана жакындарыңыздарга бакыт, ден соолук жана бакубатчылык каалайм!

Урматтоо менен,
Алмазбек Акматов

2023-жылдын 22-июнунда, КР Эсептөө палатасынын Кеңешинин отуруму болуп өттү. Отурумда 2021-2022-жылга чейинки мезгил аралыгына карата КР Тышкы иштер министрлигинде бюджеттин аткарылышына жүргүзүлгөн шайкештик аудити жөнүндө материалдар, 2022-жылга карата КР Улуттук банкында КР Министрлер Кабинетинин эсептерин тейлөө боюнча операцияларынын жүзөгө ашырылуусуна жүргүзүлгөн шайкештик аудити жөнүндө материалдар каралды.

Аудиттин жүрүшүндө аныкталган негизги бузууларды талкуулоодо, объектилер тарабынан мурунку аудиттин жыйынтыгында берилген жазма буйруктарды аткаруу маселесине өзгөчө көңүл бурулду. Ошондой эле аудит объектилеринин жетекчилерине алардын аткарылышын контролдоо зарылдыгын белгилешти.

Аудиттин жыйынтыгы тууралуу отчеттор КР Эсептөө палатасынын  www.esep.kg расмий сайтына жайгаштырылат.

Бүгүн, 21-июндагы Жогорку Кеңештин жыйынында Кыргыз Республикасынын Эсептөө палатасынын 2022-жылдагы иши жөнүндө Эсептөө палатасынын төрагасынын отчету каралды.

Депутаттардын суроолоруна Эсептөө палатасынын төрагасы Алмазбек Акматов жооп берди.

Талкуу маалында депутат Мейкинбек Абдалиев 2022-жылы мамлекеттик сатып алуулар чөйрөсүндө 1 млрд 662 млн сомго Кыргыз Республикасынын мыйзамдарын бузуу фактылары аныкталганын айтып, бул багытта укук коргоо органдары тарабынан тиешелүү иштер жүргүзүлүшү керектигин белгиледи.

Ал эми эл өкүлү Жеңишбек Токторбаев «Кыргызиндустрия» ААКнын ишмердүүлүгүндө мыйзам бузуулар барбы?" - деген суроону узатып, бул уюмга 8 ачык акционердик коомду жана 8 мамлекеттик ишкананы модернизациялоо үчүн 1 млрд сом бөлүнгөнүн айтты. «Кыргызиндустрия» аталган 16 ишкананын ишин жандандыруунун ордуна «Кыргызмык», «Кыргызтопчу» жана башка ишканаларды түзө баштады», - деген Ж.Токторбаев отчетто «Кыргызиндустриянын» текшерүүсү тууралуу маалымат жок экенин кошумчалады.

Буга Эсептөө палатасынын төрагасы Алмазбек Акматов “Кыргызиндустрия” ААКда 2023-жылы аудит жүргүзүлүп, бюджеттик каражаттарды максатсыз пайдалануу боюнча мыйзам бузуулар аныкталганын маалымдады.

Андан тышкары, депутат Гүлшаркан Култаева аудит системасынын натыйжалуулугуна көңүл буруп, максатсыз пайдаланган каражаттарды мамлекетке кайтаруу маселесине токтолсо, эл өкүлү Кундузбек Сулайманов уурдалган каражаттарды мамлекетке кайтарып берүү мөөнөтүн кыскартуу зарылдыгын белгиледи.

Муну менен катар депутат Айбек Осмонов Архитектура, курулуш жана турак жай-коммуналдык чарба мамлекеттик агенттигинде жүргүзүлгөн аудиттин жыйынтыктарына кызыкты. Эсептөө палатасынын аудитору Алимжан Байгазаковдун айтымында, 2021-жылы аталган мекемеге 2 млрд 700 млн сом бөлүнүп, анан ичинде 46 млн сомдук мыйзам бузуулар табылган. “Азыркы учурда бул каражаттардын 92% мамлекетке кайтарылган”, - деди аудитор. 

Ошондой эле депутат Марат Мураталиев Эсептөө палатасынын иши тууралуу сөз кылып, Министрлер кабинетин Эсептөө палатасынын корутундуларынын жана эскертмелеринин аткарылышына көңүл бурууга чакырды.

Ал эми депутат Улугбек Ормонов Эсептөө палатасынын аудиторлорунан каражатты максатсыз пайдалануу жана уурдоо деген түшүнүктөрдү ажыратуу керектин айтып, жооптуу жетекчилердин кээ бир аракеттери мыйзам бузуу катары квалификациялоого дайыма эле негиз боло бербестигин жүйө келтирди.

Өз кезегинде депутат Эмил Жамгырчиев коррупциялык тобокелдиктерди жана мыйзам бузууларды жоюу жана алдын алуу үчүн мыйзамдарды өркүндөтүү, алдыңкы эл аралык тажрыйбаларды киргизүү маселелерин ортого салды.

Талкуунун жыйынтыгында депутаттар отчетту канааттандырарлык деп табышты.

Кыргыз Республикасынын Эсептөө палатасынын 2022-жылдагы иши жөнүндө отчёту менен таанышуу үчүн шилтеме аркылуу өтүңүз.

Кыргыз Республикасынын Эсептөө палатасынын Ош шаары, Ош, Жалал-Абад жана Баткен облустары боюнча аймактык бөлүнүшү, Жалал-Абад облусунун Базар-Коргон районунун социалдык-экономикалык өнүгүүсүн талдоо жана 2021 - 2022-жылдын мезгил аралыгында жергиликтүү өз алдынча башкаруу органдарынын бюджетинин түзүлүшүнө жана анын аткарылышына жүргүзүлгөн шайкештик аудиттин жыйынтыгы боюнча 5791,4 миң сомдук финансылык бузуулар аныкталды.

Аудиттин жыйынтыгы менен жалпысынан 5791,4 миң сомдук финансылык бузуулар аныкталды, анын ичинен:

• акча каражатынын жетишпестиги 14,8 миң сом;
• материалдык баалуулуктардын жетишпестиктери 30,9 миң сом;

- каражаттарды сарптоодогу чектен чыгуулар жана кемчиликтердин жалпы суммасы 5459,9 миң сом болсо, андан:

• эмгек акыларды негизсиз төлөөлөр 151,4 миң сом;
• материалдык баалуулуктарды жана акча каражаттарын негизсиз чыгымдоолор 101,8 мин сом;
• сапар чыгымдарына ашыкча төлөөлөр 75,4 мин сом;
• курулуш иштеринин көлөмүн жана баасын негизсиз жогорулатуулар (кошуп жазуулар) 2397,9 мин сом;
• бюджеттик каражаттарды максатсыз пайдалануулар 2,0 мин сом;
• дебитордук карыздарды жашыруулар жана кредитордук карыздарды негизсиз көбөйтүүлөр 2731,4 миң сом;
• бюджетке кошумча эсептөөлөр 155,0 мин сом;
• КРнын Социалдык фонддун бюджетине кошумча эсептөөлөр 130,8 миң сомду түзгөн.

Жалпы аныкталган каржылык бузуулардан 5737,5 миң сом ордуна коюлууга тийиш болгон болсо, аудиттин жүрүшүндө 395,1 миң сом ордуна коюлган, ал эми ордуна коюлбаган сумма 5342,4 миң сомду түзгөн.

Андан сырткары 3001,0 миң сомдук бюджеттик жоготуулар жана резервдер аныкталган, анын ичинен:

• товардык-материалдык баалуулуктарды нормадан ашыкча сарптоолор 12,3 миң сом (ГСМ);
• эмгек акыларды төлөөдөгү чектен чыгуулар 2977,9 миң сом (ашыкча штат бирдиги);
• башка резервдер жана жоготуулар 10,8 мин сом (ЭЭПЭ жазаналары ж.б).

Рационалдуу эмес пайдаланылган каражаттар 4449,0 миң сом, анын ичинен:

• пландалган максатына жетпестен чыгымдалган каражаттар 4449,0 миң сом, (4390,0 миң сом атайын техника, 59,0 миң сом 1С программа).

Аудиттин жыйынтыгы менен Базар-Коргон шаар мэриясында аныкталган 1658,3 миң сомдук курулуш иштерине кошуп жазуулар жана пландалган максатына жетпей чыгымдалган 4390,0 миң сом каражаттар боюнча материалдар, укуктук баа берүү үчун Жалал-Абад облустук прокуратурасына берилди.

КРнын Эсептөө палатасынын Бишкек шаары, Чүй жана Талас облустары боюнча аймактык бөлүнүшү тарабынан, КРнын Эсептөө палатасынын 2022-жылга аудитордук иш планына ылайык, 2021-жылга карата мезгил аралыгындагы Чүй облусунун Кемин районунун жергиликтүү бюджеттеринин түзүлүшү жана аткарылышына, муниципалдык ишканалардын ишине жана республикалык бюджеттеги айрым мекемелердин бюджеттеринин аткарылышына шайкештик аудиттер жүргүзүлгөн.

Кемин районунда жүргүзүлгөн аудиттердин жыйынтыгында бардыгы: Аныкталган финансылык бузуулар -5 109,3 миң сомду түзгөн, анын ичинен:

- каражаттарды чыгымдоодогу бузуулар жана кемчиликтер – 4 951,0 миң сом, анын ичинен:

• эмгек акынын негизсиз төлөнүшү – 3 026,4 миң сом;
• эсеп берме суммаларды кошкондо, материалдык баалуулуктардын жана акча каражаттарынын негизсиз эсептен чыгарылышы – 46,0 миң сом;
• курулуш-куроо иштеринин көлөмдөрүнүн жогорулатылышы – 1 662,6 миң сом;
• мамлекеттик каражаттарды максатсыз пайдалануу – 20,0 миң сом;
• жашырылган дебитордук жана жогорулатылган кредитордук карыз – 196,0 миң сом;

- бюджеттин кошумча чегерилген кирешелери 158,3 миң сом, анын ичинен:

• салык жана бажы мыйзамдарын бузуу – 91,4 миң сом;
• бюджетке которулууга тиешелүү ижара акысы – 66,9 миң сом.

Аныкталган бюджеттин резервдери жана жоготуулары – 11 399,9 миң сом, анын ичинен:

• товардык-материалдык баалуулуктардын ченемден ашыкча чыгымдалышы – 1 419,0 миң сом;
• эмгек акыны төлөөдөгү бузуулар – 629,6 миң сом;
• КРнын Өкмөтүнүн, жергиликтүү өз алдынча башкаруу органдары жана башка органдар тарабынан бюджетти түзүүдө анын киреше бөлүгүнүн көрсөткүчтөрүн азайтуу жана чыгаша бөлүгүнүн көрсөткүчтөрүн жогорулатуу менен колдонуудагы мыйзамдарга карама-каршы келген чечимдерди кабыл алынгандыгына байланыштуу, салык, бажы жана башка төлөмдөр боюнча жана бюджеттин чыгаша бөлүгү боюнча бюджеттин жоготуулары – 3 204,3 миң сом;
• бюджеттин башка резервдери жана жоготуулары – 6 147,0 миң сом.

Аныкталган рационалдуу эмес пайдаланылган каражаттар – 1 082,1 миң сом, анын ичинен:

• ТМБ нормативден ашык запастары жана эсептеги каражаттар– 1 082,1 миң сом.

Аудиттердин материалдары 2023-жылдын 6-июнунда КРнын Эсептөө палатасынын Бишкек шаары, Чүй жана Талас облустары боюнча аймактык бөлүнүшүнүн отурумунда каралган. Аныкталган финансылык бузууларды жана кемчиликтерди жоюу бонча аудит жүргүзүлгөн бардык жергиликтүү өз алдынча башкаруу органдарына жазма буйруктар жөнөтүлгөн.

2021-2022-жылдар аралыгында Кызыл-Кыя шаарынын социалдык-экономикалык өнүгүүсүнүн натыйжалуулугуна, жергиликтүү өзүн-өзү башкаруу органдарынын бюджетинин түзүлүшүнө жана аткарылышына жүргүзүлгөн аудиттин жыйынтыгы боюнча, жалпы суммасы 1664,2 миң сомдук каржы бузуулары аныкталды.

Аудиттин жыйынтыгы менен жалпысынан 1664,2 миң сомдук каржы бузуулар аныкталды, анын ичинен:

• материалдык баалуулуктарды жана акча каражаттарды негизсиз чыгыштоолор 117,5 миң сом, андан сапар чыгымдарына ашыкча төлөөлөр 8,0 миң сом;
• курулуш иштерине кошуп жазуулар 1036,5 миң сом;
• мамлекеттик каражаттарды максатсыз пайдалануу 211,8 миң сом;
• дебитордук карыздарды бухгалтердик эсептен жашыруулар 298,4 миң сом.

Аныкталган каржы бузуулар толугу менен ордуна коюлууга тийиш болгон болсо, аудит учурунда 679,4 миң сом ордуна коюлган, ордуна коюлбаганы 984,8 миң сомду түздү. Мында сырткары 558,6 миң сомдук бюджеттик жоготуулар жана резервдер аныкталган, анын ичинен бюджеттик мекемелерди ашыкча каржылоо 550,0 миң сом, ченемден ашыкча чыгымдалган күйүүчу майлар 8,6 миң сомду түздү.

2021-2022-жылдар аралыгында Араван районунун социалдык-экономикалык өнүгүүсүн талдоосуна, айылдык аймактардын бюджеттеринин түзүлүшүнө жана аткарылышына жүргүзүлгөн аудиттин жыйынтыгы боюнча, 5 млн 322.6 миң сом жалпы суммасында каржы бузуулары аныкталды.

Аудиттин жүрүшүндө, ири суммадагы төмөнкүдөй каржы бузуулары аныкталды:

жалпысынан 5 млн 322.6 миң сомдук финансылык бузуулар аныкталды, анын ичинен жетишпестиктер 57,2 миң сом, каражаттарды сарптоодо кетирилген кемчилдиктер жана бузуулар 4960,1 миң сом, анын ичинен:

• эмгек акыны негизсиз төлөөлөр 224,2 миң сом;
• негизсиз чыгышталган акча каражаттары 127,5 миң сом;
• сапар чыгымдарына ашыкча төлөөлөр 47,1 мин сом;
• каражаттарды казыналыктан сырткары жумшоо 71,0 мин сом;
• курулуш иштерине кошуп жазуулар 4002,3 миң сом;
• бюджеттик каражаттарды максатсыз пайдалануу 423,5 миң сом;
• бухгалтердик эсептен дебитордук карыздарды жашыруулар 64,4 миң сом;
• бюджетке кошумча кирешелерди эсептөө 196,9 миң сом;
• социалдык фонддун бюджетине кошумча кирешелерди эсептөө 108,4 миң сомду түзгөн.

Аныкталган финансылык бузуулардын ичинен өндүрүүгө жатканы 5154,7 миң сом болсо, анын ичинен аудит убагында өндүрүлүп, ордуна коюлганы 1731,0 миң сом жана өндүрүлбөй калганы 3423,7 миң сомду түздү.

Жогоруда аталган финансылык бузуулардан сырткары 2369,2 миң сомдук бюджеттик жоготуулар жана резервдер аныкталды, анын ичинен:

• күйүүчү майларды ченемден ашыкча сарптоо 86,6 миң сом, андан 24,2 миң сом ордуна коюлган;
• эмгек акы төлөөдө кетирилген бузуулар 264,6 мин сом;
• электр энергиясын пайдалануудагы эрежелерди бузган себептүү салынган жазаналар 2018,0 миң сом;
• мамлекеттик сатып алууларды жүргузүүдөгү рационалдуу эмес пайдаланылган каражаттар 153,5 миң сом.

Аудиттин жыйынтыгы менен электр энергиясын пайдаланууда ири өлчөмдөгү бюджеттик жоготууларга жол берген Тепе-Коргон жана Керме-Тоо айыл өкмөттөрүнүн орто аралык актылары жана Тепе-Коргон айыл өкмөтүндөгү бюджеттик каражаттарды өздөштүрүүдө жол берилген 72,2 миң сомдук кошуп жазуулар боюнча материалдар укуктук баа берүү үчүн Ош облустук прокуратурасына жиберилди.

Бүгүн, 2023-жылдын 10-июнунда, Кыргыз Республикасынын Эсептөө палатасынын кызматкерлери ишембилик өткөрүштү.
Кыргыз Республикасынын Президентинин “Улуттук тазалык күнү жана 2023-2025-жылдар мезгилинде тиричилик калдыктарын иштетүү боюнча натыйжалуу инфраструктураны түзүү боюнча иш-аракеттер планы жөнүндө” Жарлыгын ишке ашыруу максатында массалык ишембилик өткөрүлүп жатат.
Эсептөө палатасынын жалпы жамааты ишембиликтин алкагында "Ала-Арча" Мамлекеттик жаратылыш паркына кетчү жолду тазалап чыгышты.

 КРнын Эсептөө палатасынын жаңы дайындалган кызматкерлерин адаптациялоо максатында, КРнын Эсептөө палатасынын тажрыйбалуу адистеринин ичиндеги тренерлер тарабынан, 2023-жылдын 9-июнунда техникалык окутуунун бекитилген программасы боюнча тренинг өткөрүлдү.

      Бул окутуу программасы Кыргыз Республикасынын Эсептөө палатасынын ишинин өзгөчөлүгүнө байланыштуу, төмөнкүдөй  актуалдуу темаларга басым жасалган: шайкештик аудити боюнча колдонмону, финансылык аудити боюнча колдонмону, жергиликтүү бюджеттерге аудит жүргүзүү боюнча колдонмону жана бузуулардын электрондук классификаторун практикада колдонуу.

       Окутуунун жүрүшүндө жаңы дайындалган кызматкерлерге аудиттин эл аралык стандарттарына ылайык аудит жүргүзүүнү уюштуруу процесси жана тобокелдиктерди баалоону жана аудитордук тандоону изилдөө боюнча кеңири маалымат берилди.

       Мындан тышкары, КРнын Эсептөө палатасында Кызматтык пайдалануу үчүн маалыматтарды камтыган документтер менен иштөө тартиби жөнүндө жобо, электрондук документтердин тутумдарын жана эсепке алууларын уюштуруу жана архивге өткөрүү үчүн көктөмөлөрдү түзүү, ошондой эле мамлекеттик кызматта мамлекеттик тилди билүү деңгээлин жогорулатуу.  

Ошондой эле, КРнын Президентинин 2020-жылдын 18-декабрындагы №64 “КРнын мамлекеттик башкаруусуна санариптик технологияларды киргизүүнү активдештирүү боюнча кечиктирилгис чаралар жөнүндө” Жарлыгын ишке ашыруу үчүн, реалдуу убакыт режиминде жаңы кызматкерлер үчүн “Infodocs” электрондук документ жүгүртүү тутумунда (ЭДЖТ) авторизация жүргүзүлүүдө, ЭДЖТ интерфейси документтерди тариздөө боюнча ЭДЖТда практикалык иш принциби көрсөтүлдү.

Урматтуу кесиптештер!
Сиздерди кесиптик майрамыңыздар – Кыргыз Республикасынын Финансы жана экономика кызматкерлеринин күнү менен куттуктайм!
Финансы-экономикалык системанын кызматкерлери өлкөдө жүргүзүлүп жаткан реформалардын көбүнүн активдүү катышуучулары жана демилгечилери болуп саналат.
Сиздердин жогорку кесипкөйлүгүңүздөр, ишиңиздерге конструктивдүү жана жоопкерчиликтүү мамилеңиздерден өлкөнүн экономикасын өнүктүрүүгө жана анын финансылык туруктуулугун камсыз кылууда эмгегиңиздер маанилүү экенин белгилегим келет.
Бир максатта болуу менен гана биз, республикабызды жакшы жакка өзгөртө алабыз, мекендештерибиздин туруктуу жашоосун камсыздай алабыз, анткени, мамлекеттик бюджеттин ар бир сомунун артында Кыргызстандын элинин эмгеги турат.
Сиздерге чын дилимден кесиптик ийгиликтерди, туруктуулукту жана финансылык ишмердикте жаңы жетишендиктерди каалайм!
Урматтоо менен, 
КР Эсептөө палатасынын төрагасы                                             А.Ш. Акматов