Шрифттин өлчөмү
Аралык
Сүрөттөр
Кыргыз Республикасынын
Эсептөө палатасы

Ишеним телефону
+996 (555) 500-985
«Кыргызтелеком» ААКсынын стационардык телефондорунан чалуу акысыз

29-ноябрда Жогорку Кеңештин депутаттары “Кыргыз Республикасынын 2017-жыл үчүн республикалык бюджетинин аткарылышы жөнүндөгү отчетту бекитүү тууралуу”, “КР 2018-жылга республикалык бюджети жана 2019-2020-жылдарга болжолу жөнүндө” мыйзамга өзгөртүүлөрдү киргизүү тууралуу” жана “КР 2019-жылга республикалык бюджети жана 2020-2021-жылдарга болжолу жөнүндө” мыйзам долбоорлорун үч окууда кабыл алды.  

Кенен маалымат...

Бүгүн, 2018-жылдын 29-ноябрында Москва шаарында Армения Республикасынын Аудитордук палатасынын, Беларусь Республикасынын Мамлекеттик контролдоо комитетинин, Казакстан Республикасынын Республикалык бюджетти аткарууну контролдоо боюнча эсептөө комитетинин, Кыргыз Республикасынын жана Россия Федерациясынын Эсептөө палаталарынын коллегиясынын (Кеңештин, ыйгарым укуктуу адамдардын) биргелешкен отуруму  болуп өттү.

Кенен маалымат...

Кыргыз Республикасынын Эсептөө палатасы тарабынан “Бишкек” Эркин экономикалык аймагынын Башкы дирекциясынын ишине 2016-2017-жылдарга карата пландык аудит жүргүзүлдү.

“Бишкек” Эркин экономикалык аймагынын субъектисине тышкы канализациялардын тармагын курууда подрядчы тарабынан курулуш-куроо иштерин 980 миң сомго  ашыруу аныкталган. Аудиттин материалдары КР УКМКга берилди.

Ошондой эле, коомдук жана башка уюмдарда 7,4 млн. сомго бузуулар аныкталган, бюджеттик жоготуулар жана резервдер 6,7 млн. сом.

Имараттарды жана курулмаларды, жер тилкелерин натыйжасыз пайдаланылгандыгы аудит тарабынан белгиленген. Алсак, “Бишкек” Эркин экономикалык аймагынын Ак-Чий аймагында болгон жер тилкелеринин  33%ы  жана Кара-Балтада – 96,97%га өздөштүрүлгөн эмес, Башкы дирекцияда жалпы аянты - 3639,8 м2 болгон беш имарат бош турат.

ЭЭАда мөөнөтү 80ден 98-жылдарга чейинки мөөнөт менен жер тилкелерин ижарага берүү боюнча мурда түзүлгөн келишимдери менен 16 субъект бар. Бирок, ижарага берүү мөөнөттөрү 1999-жылы кабыл алынган Кыргыз Республикасынын Жер кодексинин 7-беренесинин 2-пункту бузган, Кодексте ижарага берүү мөөнөтү 50 жылга чейин уруксат берилген. деп көрсөтүлгөн.

 Учурда “Бишкек” Эркин экономикалык аймагынын жалпы аянты 37 429,1 кв.м 59 объектиси пайдаланууга киргизүү актыларына ээ эмес.

Мындан тышкары, жер тилкелерин келишимде көрсөтүлгөндөн көбүрөөк ижарага берүүнүн натыйжасында, 2015-2017-жылдарга “Бишкек” Эркин экономикалык аймагынын төрт субьектиси боюнча кирешелердин жоготуулары 1043,7 АКШ долларын түзгөн. “Бишкек” Эркин экономикалык аймагынын үч субъектисине ижара келишимин түзбөстөн туруп, имаратты пайдалангандыгы үчүн ижара акысына 7561,2 АКШ доллары кошумча чегерүү жүргүзүлгөн.

Ошондой эле, аянты 1 159,16 кв.м  болгон жер тилкесин пайдаланган компания, анын ичинде - аянты 1105,01 кв.м имараттын астындагы жер тилкесин жана жайлардын  ижара акысы төлөнбөй келет. 2016-жылдын II жарым жылдыгында республикалык   бюджетке чегерүүлөр 2 % өлчөмүндөгү 3 млн. сомду, 2017-жылга - 3,7 млн. сомду түзгөн.

2017-жылдын декабрь айынын аягына инвентаризациялоонун жыйынтыгы боюнча №168 Балдар бакчасында 125 аталыш, автопаркта 6 аталыш, “Кара-Балта” СИО - 31 аталыш, “Ак-Чий” СИО - 6 аталыш боюнча ашыкча товардык-материалдык баалуулуктар аныкталган. Ошондой эле, товардык-материалдык баалуулуктарды талаптагыдай тариздөөсү жок эсептен чыгарууга жол берилген. Негизги каражаттарды жана материалдык эмес активдерди сатып алуу жана оңдоо боюнча жалпы суммасы 6,9 млн. сом суммасындагы чыгымдардын эсептен чыгаруу фактылары белгиленген.

Башкы дирекция тарабынан мамлекеттик сатып алуулардын жол-жоболорун өткөрбөстөн 2016-жылы - 27,8 млн. сомго, 2017-жылы -19,9 млн. сомго товардык-материалдык баалуулуктарды сатып алуулар жүргүзүлгөн. Ошондой эле, жалпы суммасы 1,5 млн. сомдук төрт учурда конкурстук табыштаманын мөөнөтү аяктагандан кийин, товарларды жеткирүүгө келишимдер түзүлгөндүгү жана 0,4 млн. сомго келишимди аткаруу мөөнөтү көрсөтүлбөгөн келишимдерге кол коюлган фактылар аныкталган.

Аудиттин жыйынтыктары боюнча “Бишкек” Эркин экономикалык аймагынын Башкы дирекциясына жазма буйрук  жана сунуштар, Кыргыз Республикасынын Жогорку Кеңешине, Кыргыз Республикасынын Президентинин Аппаратына, Кыргыз Республикасынын Өкмөтүнө жана Кыргыз Республикасынын Коопсуздук Кеңешинин катчылыгына отчет жөнөтүлдү.

Кыргыз Республикасынын Эсептөө палатасы тарабынан Банкттарды жоюу боюнча агенттигинин 2017-жылга карата ишине аудит жүргүзгөн.

Аудиттин материалдарында көрсөтүлгөндөй, 2017-жылга планда кирешенин келип түшүүсү 9,4 млн. сом деп каралган болсо, факт жүзүндө келип түшүүлөр 4,9 млн. сомду түзгөн же киреше боюнча план 52,3%га аткарылган.

2017-жылга чыгымдардын көлөмү 4,5 млн. сомду түзгөн, план боюнча - 8,6 млн. сом. 2017-жылга Агенттик тарабынан 0,4 млн. сом киреше алынган. 1,7 млн. сомго эсептен чыгарылган негизги каражаттар, анын ичинен материалдык эмес активдер - программалык камсыз кылуу, товардык – материалдык баалуулуктар кампада тургандыгын, аудит белгилейт. Эсептен чыгарылган мүлктү мындан ары эксплуатациялоо же аларды белгиленген тартипте сатуу боюнча Агенттик тарабынан чечим кабыл алуусу зарыл.

Аудиттин жыйынтыгы боюнча Эсептөө палатасы тарабынан  КР Финансы министрлиги менен өз ара эсептешүүнүн салыштыруу актысына  кол коюу боюнча ишти аяктоо бөлүгүндө, чараларды көрүү, ошондой эле, иште жогоруда көрсөтүлгөн кемчиликтерди жоюу боюнча сунуштар берилди.

Кыргыз Республикасынын Эсептөө палатасы өлкөнүн жогорку окуу жайларынын студенттерине, келечектеги экономистерине жана финансистерине алардын билим деңгээлин практика менен бекемдөө үчүн, келечектеги жаш кадрларды калыптандыруу жана тарбиялоо максатында, дарстарды өткөрүп келет. Эсептөө палатасынын адистери дарс окуучу катары өзүлөрүнүн билими жана  тажрыйбасы менен бөлүшүп турушат. Бул жолу лекция Б. Ельцин атындагы Кыргыз-Орус Славян университетинин 4-курсунун студенттерине республикалык бюджеттин аткарылышына аудит жүргүзүү темасында болуп өттү.

Кенен маалымат...

Кыргыз Республикасынын Эсептөө палатасы тарабынан “Ишкердикти өнүктүрүү Фонду” микрокредиттик компаниясы Ачык акционердик коомунун ишине 2017-жылга пландык аудит жүргүзүлдү.

Аудиттин материалдарында белгиленгендей,  кирешелерди камсыз кылуу боюнча  бекитилген план жалпысынан 31,1 млн. сомго аткарылган, же 2017-жылдын пландык көрсөткүчтөрү 0,8 млн. сомго ашыгы менен аткарылган. 2017-жылга факты жүзүндө чыгымдар 26,7 млн. сомду түзгөн.

Фонддун 2017-жылга карата ишинин  жыйынтыгы боюнча  таза киреше 3,8 млн. сомду түзгөн жана ААКнын акционерлеринин жылдык жалпы чогулушунун протоколунун негизинде бөлүштүрүлгөн: дивиденддерге - 25%, ал эми калган бөлүгү Фонддун финансылык көрсөткүчтөрүн  жакшыртуу жана өтүмдүүлүктү жогорулатуу максатында Фонддун капиталын толуктоого жумшалган.

Аудиттин жыйынтыгында “Ишкердикти өнүктүрүү фонду” микрокредиттик компаниясы Ачык акционердик коомунун ишинде аныкталган кемчиликтерди жоюу, ошондой эле компаниянын бюджеттик киреше бөлүгүн аткаруу иштерин күчөтүү боюнча сунуштар берилди.

Аудиттин жыйынтыгы боюнча материалдар Кыргыз Республикасынын Жогорку Кеңешине, Кыргыз Республикасынын  Президентинин Аппаратына, Кыргыз Республикасынын Өкмөтүнө караштуу Мамлекеттик мүлктү башкаруу боюнча фондуна жана “Ишкердикти өнүктүрүү фонду” микрокредиттик компаниясы Ачык акционердик коомуна жөнөтүлдү.

Кыргыз Республикасынын Эсептөө палатасы тарабынан Кыргыз Республикасынын Президентине караштуу Мамлекеттик тил боюнча улуттук комиссиясында жана анын ведомстволук мекемелеринде 2014-жылдын 1-январынан тартып 2016-жылдын 31-декабрына чейинки мезгил аралыгына карата бюджеттик, атайын жана башка каражаттардын пайдаланылышына аудит жүргүзүлдү.

Кенен маалымат...

Кыргыз Республикасынын Эсептөө палатасы тарабынан Кыргыз Республикасынын Стратегиялык изилдөөлөр улуттук институтуна 2016-2017-жылдарга карата бюджеттик каражаттардын чыгымдар сметасынын аткарылышына жана атайын каражаттардын чыгымдарына аудит жүргүзүлдү.

Кенен маалымат...

Кыргыз Республикасынын Эсептөө палатасынын китепканасына Ч. Айтматов атындагы Тил жана адабият институту тарабынан дүйнөгө белгилүү жазуучу Ч. Айтматовдун өмүрү жана чыгармачылыгы жөнүндө көп томдуу китептер белекке берилди.  Китептерди  15 - ноябрда жогоруда аталган  Институттун директору, академик Абдылдажан Акматалиев Кыргыз Республикасынын Эсептөө палатасынын төрагасы Улукбек Мариповго тапшырды.

Кенен маалымат...

Бүгүн, 19-октябрда,  Кыргыз Республикасынын Эсептөө палатасында түзүлгөндүгүнүн 22 жылдыгын арналган салтанаттуу иш-чара болуп өттү.

Төрага Улукбек Марипов эмгек жамааттын кесиптик майрамы менен куттуктады.

Кенен маалымат...

Кыргыз Республикасынын Эсептөө палатасынын Ош шаары, Ош, Жалал-Абад жана Баткен областтары боюнча аймактык бөлүнүшү тарабынан, 2016-2017 жылдарына Чоң-Алай районунун айыл округдарынын бюджеттеринин түзүлүшүнө жана аткарылышына жүргүзүлгөн аудиттин жыйынтыгы боюнча 7 млн 893,5 миң сомго каржы бузуулары аныкталган.

Кенен маалымат...

9-октябрда Кыргыз Республикасынын Эсептөө палатасында Европалык реконструкциялоо жана өнүктүрүү банкынын (ЕРӨБ) “Кыргыз Республикасы: электрондук мамлекеттик тендерлерге жүргүзүлгөн  аудиттин жаңы (типтүү) методологиясын иштеп чыгуу жана пилоттук жайылтуу. Методологияны пилоттук жайылтуу” техникалык кызматташтык долбоорунун өкүлдөрү менен жолугушуу болуп өттү. Жолугушууга КР Эсептөө палатасынын аппарат жетекчиси Осмонов Нурпаис баштаган өкүлдөр жана ЕРӨБдин Бишкектеги өкүлчүлүгүнүн башкы адиси Юлия Шаповалова жана “Грант Торнтон” компаниясынын эл аралык эксперти Владислав Мурадян катышты.

Кенен маалымат...

Кыргыз Республикасы Эсептөө палатасы тарабынан Кыргыз Республикасынын Жогорку сотунда бюджеттик жана атайын каражаттардын пайдаланышына, Кыргыз Республикасынын Жогорку сотунун Конституциялык палатасында бюджеттик, атайын жана Сот департаментинин депозиттик каражаттардын пайдаланышына 2016-жылдын 1-январынан тартып 31-декабрына чейин аудит жүргүзүлдү.  

Кенен маалымат...

Кыргыз Республикасынын Эсептөө палатасынын адистери Борбор Азия Эл аралык университетинин 4 - курстун студенттерине дарс өткөрдү. Дарс “Каржы жана салык контролу” курсунун алкагында уюштурулган.

Кенен маалымат...

Кыргыз Республикасынын Эсептөө палатасында 23-сентябрда өлкөбүздө жыл сайын белгиленүүчү Мамлекеттик тил күнүнө карата 20-сентябрь күнү мыкты дубалгезит боюнча конкурстун жыйынтыгы чыгарылды.

Кенен маалымат...

Кыргыз Республикасынын Эсептөө палатасы тарабынан “Улуттук энергетикалык Холдинг компаниясы” ААКна 2016-жылга пландык аудит жүргүзүлдү.

Кенен маалымат...

Бүгүн 20 - сентябрда Кыргыз Республикасынын Эсептөө палатасынын Аудитору Садыркулова Айжан Медетовна Дүйнөлүк банктын Европа жана Борбордук Азия аймактарына жооптуу, мамлекетти башкаруу боюнча глобалдык тажрыйба алкагында, маселелерди чечүү жана инновациялык сатып алууларга жооптуу менеджер В.С. Кришнакумар башында турган миссиянын өкүлдөрү менен жолугушту. Жолугушууга Эсептөө палатасынын аппарат жетекчиси Нурпаис Осмонов жана Борбордук Азия өлкөлөрү боюнча сатып алууларды жүргүзүүчү топтун жетекчиси, сатып алуулар боюнча башкы адис Ахмед Мерзук катышты.

Жолугушуунун жүрүшүндө тараптар кызматташуунун келечектүү багыттарын талкуулашты. Кыргыз Республикасында Дүйнөлүк банк каржылаган долбоорлордун негизинде мамлекеттик сатып алууларды жүргүзүүдөгү реформалар боюнча маселелерди, сатып алууларды жүргүзүүдө алдамчылык жана коррупция тобокелчилигин азайтуу жана контракттарды башкаруу маселелери талкууланды.

Жолугушуунун соңунда тараптар кызматташуунун мындан ары да жемиштүү уланаарына ишеним артышты.

 

 

Кыргыз Республикасынын Эсептөө палатасынын төрагасы Улукбек Марипов Вьетнамдын  Ханой шаарында 2018-жылдын 19-сентябрынан 24-сентябрына чейин өтө турган “Туруктуу өнүгүүдө аудиттин жогорку органынын ролу” жана “Экологиялык аудитти жүргүзүүдө аудиттин жогорку органдарынын ортосундагы кызматташуу” темасында аудиттин жогорку органдарынын Азиялык уюмунун (АЗОСАИ) 14-ассамблеясынын ишине жана АЗОСАИнин 7-симпозиумуна катышат.

Кенен маалымат...

“Эсептөө палатасы жөнүндө” Кыргыз Республикасынын Мыйзамынын 7- беренесинин 1- пунктуна ылайык, 2017-жылга республикалык бюджеттин аткарылышы боюнча, Кыргыз Республикасынын Социалдык фондунун бюджеттинин аткарылышы жана Кыргыз Республикасынын Өкмөтүнө караштуу Милдеттүү медициналык камсыздандыруу фонду жана Бирдиктүү төлөөчү тутумунда иштеген саламаттык сактоо уюмдары тарабынан бюджеттик каражаттардын чыгымдар сметаларынын, атайын эсептин кирешелер жана чыгымдар сметаларынын аткарылышы боюнча аудиттер жүргүзүлдү.

Кенен маалымат...

Кыргыз Республикасынын Эсептөө палатасынын төрагасы Улукбек Марипов 2018-жылдын 5-сентябрнда Москва шаарында өткөн Көз карандысыз Мамлекеттердин Шериктештиги мүчө мамлекеттеринин финансылык контролдоонун жогорку органдарынын (КМШ ФКЖО) жетекчилер Кеңешинин   XVIII сессиясынын ишине катышты. Иш чарага Азербайжан Республикасынын, Армения Республикасынын, Беларусия Республикасынын, Казакстан Республикасынын, Молдова Республикасынын, Россия Федерациясынын жана  Тажикстан Республикасынын финансылык контролдоонун жогорку органдарынын жетекчилери жана өкүлдөрү катышышты.

Кенен маалымат...