КР ЭП КМШга мүчө мамлекеттердин жогорку мамлекеттик аудит органдары үчүн аудит стандарттарын иштеп чыгууга катышты

Үстүбүздөгү жылдын 23-декабрында Көз карандысыз мамлекеттер шериктештигинин мүчө мамлекеттеринин мамлекеттик  аудиттин жогорку органдарынын мамлекеттик финансылык контролдоонун (аудиттин) стандарттарын иштеп чыгуу боюнча Жумушчу тобунун XIX отуруму
видео конференция байланыш режиминде өттү.

Отурумдун ишине Көз карандысыз мамлекеттер шериктештигинин мүчө мамлекеттеринин мамлекеттик аудиттин жогорку органдарынын өкүлдөрү жана Кыргыз Республикасынын Эсептөө палатасынын аппарат жетекчиси Н.Б. Осмонов башында турган жумушчу тобунун мүчөлөрү катышты.

Отурумдун жүрүшүндө 2021-2023-жылдарга Жумушчу тобунун
иш-планын аткаруу жана аны андан ары ишке ашыруу маселелери каралды.

Маалымат үчүн:

Көз карандысыз мамлекеттер шериктештигинин мүчө мамлекеттеринин мамлекеттик аудиттин жогорку органдарынын мамлекеттик финансылык контролдоонун (аудиттин) стандарттарын иштеп чыгуу боюнча Жумушчу тобу 2010-жылы түзүлгөн.