2019-2020-жылдар аралыгында Таш-Көмүр шаарынын бюджетинин түзүлүшүнө жана аткарылышына, социалдык-экономикалык өнүгүүсүнүн натыйжалуулугуна жүргүзүлгөн аудиттин жыйынтыгы боюнча, жалпы суммасы 5 млн. 189,6 миң сомдук каржы бузуулары аныкталды.
Аудиттин жүрүшүндө, төмөнкүдөй каржы бузуулары аныкталган:
- дебитордук карызды жаап-жашыруу – 5 млн.сом;
- эмгек акыларды негизсиз төлөө – 115,6 миң сом;
- бюджеттик каражаттарды максатсыз пайдалануу - 35,8 миң сом;
- курулуш иштеринин көлөмүн жогорулатуу - 21,4 миң сом;
- материалдык баалуулуктарды жана акча каражаттарын негизсиз эсептен чыгаруу – 16,8 миң сом.
Мындан тышкары, бюджеттин жоготуулары 4 млн. 755,3 миң сом суммасында аныкталды.
Аныкталган каржы бузуулардын ичинен 5 млн. 74,0 миң сом кайтарылууга тийиш, аудиттин жүрүшүндө 3 млн. 901,5 миң сом кайтарылды.