Кыргыз Республикасынын Эсептөө палатасында 2019-жылдын 20-ноябрында кызматчылар арасында “Сабаттуу жазуу” акциясынын алкагында мамлекеттик тилде жат жазуу уюштурулду.
Акциянын максаты – кызматкерлер арасында мамлекеттик тилде жазуу жана оозеки түрүндө пайдаланууну жогорулатуу, сабаттуу жазууга үндөө, сабаттуу жазуу маданиятын өркүндөтүү жана ошондой эле мамлекеттик тилдин кадыр-баркын жогорулатуу.
Акциянын жыйынтыгында кызматчылардын мамлекеттик тилди билүү деңгээлин аныктоо максатында мониторинг жүргүзүлөт.
Мындан тышкары, кыргыз тилин окутуу курстары уюштурулуп, кызматчылардын мамлекеттик тилди билүү деңгээлинин талаптары жогорулайт.